काठमाडौं । पछिल्ला दिनहरुमा मोटोपन एक आम समस्या जस्तै भएको छ । मोटोपनलाई सुरुवात देखि ख्याल गर्न नसके यसले अनेक समस्या निम्त्याउन सक्ने एक अध्यनले देखाएको छ । अध्यनका अनुसार मोटोपन क्यान्सरका लागि धुम्रपान भन्दा खतरनाक हुनसक्छ । क्यान्सरका केही सम्भावना धुम्रपानले भन्दा मोटोपनले बढी हुने देखाएपछि अहिले विश्वमा एक नयाँ चुनौती देखिएको छ ।
बेलायतमा गरिएको अध्ययनले क्यान्सरका केही प्रकारका विरामी धुम्रपान भन्दा मोटोपनका कारण भएको तथ्य फेला परेको हो । किड्नी, पाठेघर, कलेजोमा भएका क्यान्सर मोटोपन पनि कारण बनेको छ । यी क्यान्सर धुम्रपानभन्दा बढी मोटोपनका कारण भएको पत्ता लागेको हो ।
क्यान्सर रिसर्च युकेले गरेको अध्ययनले धुम्रपान गर्ने भन्दा मोटो मानिसहरु दोब्बर संख्याकालाई किड्नी, कलेजो र पाठेघर जस्ता अङ्गको क्यान्सर भएको पत्ता लागेको हो । मष्तिष्क, थाइराइड, स्तन, कलेजो, प्यानक्रिज, पेट, किड्नी, पाठेघर जस्ता अङ्गमा क्यान्सर हुनुमा मोटोपन मुख्य कारण देखिएको छ ।
बीबीसी
