'पारिजात सम्मान' घोषणा, वैशाख २८ गते प्रदान गरिने

ehulaki
ई-हुलाकी | बैशाख ५, २०७६ बिहिबार | 0

काठमाडौं, साहित्यकार पारिजातको प्रतिमा माल्यार्पण कार्यक्रममा 'पारिजात सम्मान २०७५' घोषणा भएको छ । 

पारिजात सृर्जन सम्मान, पारिजात सङ्घर्षशील नारी सम्मान, पारिजात कला सम्मान र पारिजात बाल साहित्य सम्मान क्रमश: आनन्ददेव भट्ट, सरिता ढंगोल, रामकृष्ण दुवाल, खगेन्द्र संग्रौलालाई प्रदान गर्ने केन्द्रले जनाएको छ । 

त्यसैगरि पारिजातको लेखन र जीवनका विषयमा विद्यावारिधि गरेकाहरुलाई पनि 'पारिजात सम्मान' प्रदान गर्ने केन्द्रको प्रेस विज्ञप्तिमा उल्लेख छ । प्रा.डा. कृष्णप्रसाद घिमिरे, डा. चन्द्रमान श्रेष्ठ, डा. नयना प्रधान, प्रा.डा. बद्रि विशाल पोखरेल, प्रा.डा. भवानी प्रसाद पाण्डे, प्रा.डा. हरिहर भण्डारी, डा. सिर्जना शर्मालाई पारिजात सम्मान प्रदान गरिनेभएको छ । 

आउँदो वैशाख २८ गते पारिजात स्मृति सभामा यी सम्मानहरु प्रदान गरिनेछ । 

पारिजात स्मृति केन्द्रले हरेक वर्ष वैशाख ५ गते पारिजातको प्रतिमामा माल्यार्पण कार्यक्रम गर्दै आएको छ । सोही दिन केन्द्रले साहित्यकार, कलाकार तथा अन्य विशिष्ठ व्यक्तित्वहरुलाई सम्मान घोषणा गर्दै आएको छ ।

कमेन्ट गर्नुहोस्

तपाईंको ईमेल गोप्य राखिनेछ ।

सम्बन्धित समाचार
लोकप्रिय