प्रधानमन्त्री ओली रेल चढेर लण्डनबाट फ्रान्स जाँदै

ehulaki
----------------- | जेठ २९, २०७६ बुधबार | 0

काठमाडौं । युरोप भ्रमका क्रममा रहेका प्रधानमन्त्री केपी शर्मा ओली आज बेलायतबाट फ्रान्स जाँदैछन् ।

बेलायतमा सोमबार साँझ पुगेका प्रधानमन्त्री ओली आज त्यहाँबाट फ्रान्सको राजधानी पेरिस जान लागेका हुन् । उनी बेलायतबाट भूमिगत रेलमार्फत् फ्रान्स जाने छन् ।

उनी ‘युरो टनेल’ नाम गरेको समुद्रमुनीको सुरुङमार्गमार्फत् रेल चढेर फ्रान्स जान लागेका हुन् ।

यो टनेल ५० किलोमिटर लामो छ । समुद्र मुनी रहेको यो सुरुङबाट हरेक वर्ष करिब १ करोड मानिसले यात्रा गर्ने गरेका छन् । यो सुरुङमा चल्ने रेलका माध्यमबाट बेलायत र फ्रान्सबीच हरेक वर्ष करिब १६ लाख त गाडीमात्रै ढुवानी हुने गरेका छन् ।

फ्रान्स र बेलायतलाई सुरुङ मार्गले जोड्ने सपन करिब २०० वर्ष पुरानो भए पनि यो प्रोजेक्ट सन् १९८० मा सुरु भएको थियो । निर्माण सुरु गरेको १४ वर्षपछि सन् १९९४ मा सुरुङले पूर्णता पाएको थियो ।

त्यतिबेला यसलाई सडक मार्गका रुपमा बस तथा अन्य गाडीहरु कुदाउने मार्ग बनाउने सोचिएको भए पनि अहिले त्यहाँ रेलमात्र कुदाउने गरिएको छ ।

फ्रान्सका तानाशाह नेपोलियन बोनापार्टले सन् १८८० मै बेलायतसँगको सुरुङ मार्ग जोड्ने विषयमा योजना अघि सारेका थिए । त्यतिबेला त्यो प्रोजेक्ट पुरा हुन सकेन । काम सुरु नै गरिए पनि आधुनिक उपकरणहरुको अभावले कामले निरन्तरता पाउन सकेको थिएन । 

कमेन्ट गर्नुहोस्

तपाईंको ईमेल गोप्य राखिनेछ ।

सम्बन्धित समाचार
लोकप्रिय