चितवनका व्यवसायीद्वारा ५०० थान डेङ्गु किट हस्तान्तरण

ehulaki
रासस | भदौ २३, २०७६ सोमबार | 0

काठमाडौँ । देशैभर डेङ्गुको प्रकोप बढिरहेका बेला चितवनमा विभिन्न व्यवसायीले ५०० थान किट उपलब्ध गराएका छन् ।

उनीहरुले  विपन्न गरीब बिरामीको उपचारका लागि निःशुल्क रुपमा डेङ्गु किट उपलब्ध गराएका हुन्  । व्यवसायी तथा हंस बहुउद्देश्यीय सहकारी संस्था लिमिटेडका अध्यक्ष दिनेशकुमार चुके र उनकी श्रीमती सन्ध्या लक्ष्मीले संयुक्त रुपमा रु एक लाख ४० हजार मूल्यको उक्त किट उपलब्ध गराएका हुन् ।

भरतपुर अस्पतालमा उपचार गर्न आउने विपन्न बिरामीको सहयोगका लागि प्रमुख जिल्ला अधिकारी जीतेन्द्र बस्नेत र भरतपुर अस्पतालका मेडिकल सुपरिटेन्डेन्ट श्रीराम तीवारीलाई सो किट हस्तान्तरण गरियो । अहिले डेङ्गु फैलिएको भन्दै गरीब बिरामीको निःशुल्क रुपमा उपचार गर्न सहयोगी मनहरुको खाँचो रहेको सो सामग्री हस्तान्तरण कार्यक्रमका वक्ताहरुको भनाइ थियो । चुके गणेशधाम संरक्षण सम्वर्धन समितिका अध्यक्षसमेत रहेका छन् । उनले हरेक वर्ष विपन्न विद्यार्थीलाई सहयोग गर्दै आएका छन् ।

चितवनका प्रजिअ  जीतेन्द्र बस्नेतले चुके दम्पतीले सरकारको अभियानलाई सहयोग पुग्ने जनहित कार्य गरेको बताए । साथै सोही अवसरमा प्रेम सुपर मार्केटका सञ्चालक प्रेमकुमार श्रेष्ठले १०० वटा किट उपलब्ध गराए । 

कमेन्ट गर्नुहोस्

तपाईंको ईमेल गोप्य राखिनेछ ।

सम्बन्धित समाचार
लोकप्रिय